ठाणे : ठाणे महानगरपालिका क्षेत्रातील वागळे प्रभाग समिती आणि लोकमान्य सावरकर नगर प्रभाग समिती अंतर्गत इंदिरानगर संप परिसरात पाणीपुरवठा सुधारण्यासाठी नव्याने अंथरण्यात आलेली ११६८ मि.मी. व्यासाची जलवाहिनी कार्यान्वित करण्यात येणार आहे.

या कामासाठी नितीन कंपनी जंक्शन येथे ७५० मि.मी व्यासाच्या जलवाहिनीवर व्हॉल्व्ह बसविण्याचे काम हाती घेण्यात आले आहे. त्यामुळे शनिवार, १ नोव्हेंबर रोजी सकाळी ९.०० वाजेपासून ते रविवार, २ नोव्हेंबर रोजी सकाळी ९.०० वाजेपर्यंत म्हणजेच एकूण २४ तास पाणीपुरवठा बंद ठेवण्यात येणार आहे.

या शटडाऊन कालावधीत इंदिरानगर जलकुंभ, श्रीनगर जलकुंभ, वारलीपाडा जलकुंभ, कैलासनगर रेनो टँक, रुपादेवी जलकुंभ, रुपादेवी रेनो टँक, रामनगर जलकुंभ, येऊर एअर फोर्स जलकुंभ आणि लोकमान्य जलकुंभ या जलसाठ्यांखालील सर्व परिसरांमध्ये पाणीपुरवठा पूर्णपणे बंद राहील.